Duket se situata e krijuar nga koronavirusi ka vënë në pah pakënaqësitë e mjekëve në Francë.
Në një video të bërë publike së fundmi shfaqet një debat i ashpër që presidenti francez Macron pati me një grup mjekësh për situatën e shkaktuar nga pandemia në Francë.
Duhet theksuar se disa ditë më parë, Elysee shpërndau planet e një takimi të presidentit në Kremlin-Bicetre, ku Macron shfaqej duke duartrokitur punën e stafit mjekësor, në vijë të parë përballë koronavirusit.
Megjithatë videoja e dytë e shpërndarë nga sindikata e mjekëve tregon presidentin që pranon se është e vërtetë se në 15 vjet qeveria nuk ka bërë shumë për fondet e spitaleve.
“Ndoshta spitalet nuk kanë qenë objektivi kryesor gjatë gjithë kohës, por nuk mund të mbaj përgjegjësi për gjërat e bëra më parë”,-tha Macron.
Mjeku i tha Macron “E di, ne e bëjmë këtë punë sepse është pasioni ynë”. Më tej mjeku shkoi dhe më tej duke thënë se e bën këtë punë sepse i do njerëzit dhe shpëtimin e jetës së tyre. Ndërsa kreu i Elysee iu kthye duke thënë se në familjen e tij vetëm ai nuk shërben në kujdesin shëndetësor.
“Ne, punonjësit e shëndetit publik jemi të varfër dhe ndoshta nesër mund të jemi ne në ato krevate. Dhe kur kjo gjë të ndodhi situata do të jetë më dramatike pasi do të ketë mungesë burimesh dhe stafi”,-thanë stafi mjekësor./Fjala.al/
