Një familje ka tentuar të kalojë kufirin me njeriun e tyre të vdekur në makinë. Familja është përpjekur të kalojë përmes një postblloku ushtarak me pretendimin se po fle.
Por sa kanë arritur në postbllok, polici i ka kërkuar familjes që të zgjojë burrin për të parë mjetin e identifikimit dhe më pas bërtet “zgjohuni zotëri të lutem”.
Familja është përpjekur ta mashtrojë punonjësin e policisë duke i thënë: “Ai sapo vdiq!”
Zona e Guayaquil, në jugperëndim të brigjeve të Ekuadorit, ka pasur probleme me shërbimet shëndetësore dhe funeralet prej epidemisë së koronavirusit.
Sipas njoftimeve paraprake treguan se burri kishte vdekur nga koronavirusi dhe të afërmit e tij ishin merakosur pasi morën vesh që nuk kishte vende për varrim.
Policia zbuloi se viktima ishte një burrë 62-vjeçar që kishte pësuar një arrest kardiak të lidhur ndërsa ai vuante edhe nga diabeti.
Viktimës i kishin vendosur një maskë në fytyrë dhe e kishin veshur me xhinse dhe bluzë të bardhë. Kreu i policisë Alejandro Munoz ka treguar se familja u lejua që të shoqëronin të afërmin e tyre të vdekur.
“Ata u lejuan të vazhdonin me trupin kur shpjeguan situatën, por vetëm me një të afërm në makinë që ishte i biri. Të tjerët u nxorën nga makina. Kishin certifikatën e vdekjes dhe një makinë i shoqëroi për tek mjeku, i cili vërtetoi se nuk kishte vdekur nga koronavirusi por nga ataku kardiak”, u shpreh ai.
