Një shqiptar i cili punonte prej kohësh në shtetin grek si çoban është arrestuar nga policia pasi mbante të fshehur edhe një sasi prej 5 kg marijuanë.
31-vjeçari u kap nga policia në Janinë, ndërsa ishte shpallur në kërkim, i akuzuar si pjesë e një bande të trafiku të drogës.
Deri më tani identiteti i shqiptarit nuk është bërë i ditur, ndërsa kërkohej që prej 2 tetorit të vitit të kaluar.
Sipas policisë, shqiptari është pjesë e një grupi prej 10 anëtarësh grekë e shqiptarë. I gjithë grupi akuzohet nga shteti grek pasi përgjatë 5 muajve kanë dërguar nga Shqipëria në Greqi 1 kg e 150 gram heroine dhe 30 gram kokainë, ndërkohë që iu janë sekuestruar edhe 325 gram heroine, 36 gram kokaine dhe 3400 euro.
Vetë 31-vjeçarit iu gjetën ditën e sotme në stanin ku punonte rreth 4 kg 650 gram marijuanë që vinte nga Shqipëria.
