Kuvendi i Shqipërisë është mbledhur ditën e sotme si asnjëherë më parë. Deputetët janë rikthyer në Kuvend kur koronavirusi ka krijuar një situatë të vështirë për Shqipërinë dhe shumë vende të botës.
Gjatë hyrjes në Kuvend deputetëve dhe ministrave iu është matur temperatura dhe janë dezinfektuar nga ekipi mjekësor.
Të pajisur me maska dhe doreza vënë, ata futur në sallë ku janë ulur me një distancë prej 1.5 m larg njëri-tjetrit.
Seanca e sotme plenare do të zgjasë vetëm 2 orë, ku do të diskutohen 24 nisma ligjore. Gjatë seancës së sotme pritet të miratohen disa ndryshime në Kodin Penal që parashikojnë ndëshkimin e atyre që thyejnë të gjithë rregullat e koronavirusit.
