Prestigjozja ‘CNN’ ka deklaruar se disa drejtues të inteligjencës amerikane dhe sigurisë kombëtare kanë hapur një hetim mbi origjinën e koronavirusit dhe ata besojnë se ky virus ka lindur në një laborator të Wuhan dhe është përhapur nga atje, për shkak të një aksidenti.
Të Mërkurën Washington Post kishte raportuar lajmin, që dy vite para shpërthimit të pandemisë, diplomatët e ambasadës amerikane në Pekin kishin vizituar disa herë institutin e virologjisë të Ëuhan (Ëiv) dhe kishin shprehur shqetësimin e tyre për kushtet e sigurisë së laboratorit, që bënte studime të rrezikshme për lakuriqët e natës.
Sipas këtij artikulli, një tjetër drejtues i administratës amerikane ka thënë që të gjitha të dhënat që kemi japin elementet e duhur të provave të mundshme që pandemia është fryt i një aksidenti në loboratorin e Wuhan.
Ai gjithashtu nënvizon që versioni i Pekinit, sipas të cilëve virusi ka ardhur nga një wet market në Wuhan është i pabazuar dhe i dobët, duke cituar kërkimet e ekspertëve kinez mbi Lancet, sipas të cilëve pacienti i parë i identifikuar me koronavirus në fillim të dhjetorit, nuk kishte asnjë lidhje me tregun ashtu si 1/3 e të gjithë të infektuarve të grupit të madh. Ky treg, raportohet se nuk shiste lakuriq nate.
