Sekretari amerikan i Shtetit Majk Pompeo, ka ngritur pikëpyetje nëse Kina do të “dalë e pastër” pas raporteve që kanë nxjerrë në pah se koronavirusi e kishte origjinën nga një laborator kinez, jo si virus, por si pjesë e eksperimenteve të dala jashtë kontrollit.
Dhe kjo për të treguar se shkencëtarët kinezë janë më të aftë se ata amerikanët në identifikimin e kërcënimeve ndaj virusit. Ky reagim erdhi pasi presidenti Donald Trump, deklaroi të mërkurën se SHBA-ja po përpiqet të përcaktojë nëse në fillim koronavirusi kaloi aksidentalisht tek njerëzit gjatë eksperimenteve me lakuriqët e natës në Vuhan nga laboratori i Institutit të Virologjisë. Pasi përhapja e pandemisë u bë publike, udhëheqësit kinezë nxituan të fajësonin “tregun e lagësht” të Vuhanit, ku kafshët e egra, edhe pse jo lakuriqët, shiten për konsum.
Një burim i tha “Fox News” se fshehja e këtij skandali është “mbulimi më i kushtueshëm që një qeveri ka bërë në të gjitha kohërat”. “Pacienti zero” punoi në laboratorin e Vuhanit dhe e përhapi virusin në popullatën lokale pas largimit nga puna, thanë burime të mirëinformuara të inteligjencës.
“Ajo që ne dimë, është se ky virus e ka origjinën në Vuhan të Kinës”- tha Pompeo për “Fox Neës” të mërkurën në mbrëmje. “Ne e dimë se ekziston Instituti i Virologjisë në Vuhan vetëm disa kilometra larg nga vendi ku ndodhet tregu i lagësht. Ka ende shumë gjëra që duhen mësuar. Qeveria e Shteteve të Bashkuara po punon shumë për ta kuptuar si qëndron e vërteta”- – tha Pompeo.
Ndërkohë i pyetur në lidhje me pretendimet e reja të SHBA-së ndaj Kinës, në një konferencë shtypi në Shtëpinë e Bardhë të mërkurën, Trump u përgjigj në mënyrë të prerë:“Ne po mësojmë gjithnjë e më shumë mbi këtë histori.”/S.T/.Fjala.al
