Departamenti Amerikan i Shtetit ka zbuluar se Kina ka kryer fshehurazi teste bërthamore.
Megjithëse Pekini pretendon të respektojë traktatin ndërkombëtar që ndalon shpërthime të tilla, SHBA ka zbuluar se shteti kinez ka kryer testime bërthamore në Lop Nur të Kinës përgjatë vitit 2019
“Përgatitja e mundshme e Kinës përgjatë gjithë vitit, përdorimi i dhomave të mbajtjes me eksplozive, aktivitete të gjera gërmimesh në Lop Nur dhe mungesë transparence në aktivitetet e testimit bërthamor… ngre shqetësime të mëdha”, thuhet në dokument, raportuar së pari nga Wall Street Journal.
Në raportin e Departamentit të Shtetit theksohet se mungesa e transparencës nga ana e Kinës përfshin bllokimin e transmetimit të të dhënave nga sensorë të lidhur me një qendër monitorimi të operuar nga Organizata Gjithëpërfshirëse e Traktatit të Testit (CTBTO).
Kina mendohet të ketë rreth 300 armë bërthamore. Pekini zyrtar ka refuzuar propozimin e presidentit amerikan për të zhdukur armët e shkatërrimit në masë pasi sipas Kinës, forca bërthamore është për sistemin e saj mbrojtës dhe nuk përbën asnjë kërcënim për vendet e tjera, shkruan The Indipendent
Raporti i nxjerrë së fundmi i bashkëngjitet edhe akuzave të tjera të Shteteve të Bashkuara të Amerikës ndaj Kinës lidhur me fshehjen e informacionit për përhapjen e koronavirusit.
Këto dy çështje mund të çojnë në një përshkallëzim të marrëdhënieve midis dy vendeve./Fjala/
