Serbia do t’i dhurojë Kosovës 1.000 teste për koronaviursin, pasi Instituti i Shëndetit Publik tha se aktualisht kishin mbetur vetëm 600 teste, të cilat mjaftojnë vetëm për 3-4 ditë.
Zëdhënësi i Ministrisë së Shëndetësisë në Kosovë, Faik Hoti ka konfirmuar lajmin për REL se Serbia është treguar e gatshme për të ndihmuar.
Përveç 1.000 testeve që do të dhurohen nga Serbia, Kosova do të sigurojë edhe 2.000 teste të tjera nga një marrëveshje e mëhershme.
Deri më tani në Kosovë janë testuar 3.915 persona nga të cilët kanë rezultuar pozitiv me koronavirusin Covid-19, 449 persona. Ndërkohë numri i përgjithshëm i viktimave në Kosovë është 12.
