Shefi i grupit parlamentar të AAK-së Duat Haradinaj ka reaguar mbi qëndrimin e Kosovës ndaj ndihmave serbe në luftën ndaj koronavirusit.
Përmes një shkrimi në Facebook ai thotë se nuk do të pranonte ndihma nga Serbisë edhe sikur t’i ngjalleshin dy vëllezërit e vrarë në luftën e Kosovës, Luani e Shkëlzeni.
“Edhe me m’i ngjallë vëllezërit s’ja kisha pranu ndihmën Serbisë. Vrasje e masakra që ndodhën ndër vite, s’guxojmë t’i kalojmë. Inati po m’vjen që malazezët refuzuan e Kosova e pranon ndihmën e gjakatarëve!”, ka shkruar Haradinaj.
Sa i përket ndihmave për testet që Kosova mori nga Serbia, kryeministri në detyrë Albin Kurti e quajti gjest të vullnetit të mirë, ndërsa theksoi se nuk kishte dijeni nëse ato kishin ardhur për Kosovën apo siç e quajnë serbët “Kosova i Metohija”.
