Kur bota po përballet me pandeminë vdekjeprurëse të koronavirusit, shumë shkencëtarë kanë dalë në skenë për të hedhur dritë mbi origjinën e koronavirusit.
Një shkencëtar britanik, Peter Forster nga Universiteti i Kembrixhit së bashku me një grup tjetër studiuesish po përpiqen të gjejnë burimin e virusit.
Ata kanë krijuar hartën e historisë gjenetike, si një mënyrë për të arritur dhe identifikuar personin e parë që u prek nga koronavirusi.
Shkencëtari Forster së bashku me ekipin e tij në hartën e historisë gjenetike të krijuar prej tyre ata përfshijnë edhe mutacionet gjenetike.
Sipas tyre, virusi i quajtur zyrtarisht SARS-CoV-2 po ndryshon vazhdimisht duke tejkaluar rezistencën e sistemit imunitar te individë dhe popullata të ndryshme.
Sipas të dhënave të grumbulluara nga Forster dhe ekipi i tij, shpërthimi i koronavirusit mund të ketë filluar midis 13 shtatorit dhe 7 dhjetorit.
“Kjo supozon një normë të vazhdueshme të mutacionit, e cila me sa duket nuk ka gjasa të jetë e vërtetë dhe vlerësimi i kohës mund të jetë i gabuar”, tha Forster për Newsweek.
Në gjetjet e tyre, Foster së bashku me grupin e tij shpjegon gjithashtu se me gjithë pretendimet se koronavirusi ka ardhur Wuhani përmes lakuriqit të natës për t’u transmetuar te njeriu dhe më pas u shpërnda përgjatë muajit dhjetor, studimet e fundit po tregojnë koronavirusi mund të jetë diku gjetkë dhe shumë më herë nga sa njihet zyrtarisht
