Avokati i njohur Kujtim Cakrani deklaron se të burgosurit e 313-s janë me shenja koronavirusi.
Me anë të një statusi në rrjetin social “Facebook”, Cakrani shkruan se të burgosurit nuk ndihen mirë, dhe simptomat që kanë janë, temperaturë, këputje trupi, dhe bllokim në frymëmarrje, pra si ato të virusit Covid 19.
Avokati thotë se ministria e Drejtësisë duhet të ndërhyjë menjëherë sepse situata mund të agravohet dhe nesër do jetë vonë.
Postimi i plotë i avokatit.
Konstatim!
Sot në mëngjes u telefonova nga klientët e mi që ndodhen të paraburgosur në ambientet e burgut 313 Tiranë.
Dhe të gjithë kanë një shqetësim? Nuk ndihen mirë, dhe simptomat që kanë janë, temperaturë, këputje trupi, dhe bllokim në frymëmarrje, pra si ato të virusit Covid 19.
Shërbim mjekësor nuk kanë, doktorët e burgut i trajtojnë vetëm me një paracetamol.
Më thonë se janë shumë të paraburgosur me simptoma të virusit, tampona nuk ju bëjnë.
Ministria e Drejtësisë duhet të ndërhyjë menjëherë sepse situata mund të agravohet dhe nesër do jetë vonë.
Të paraburgosurit duhet të trajtohen me dinjitet njerëzor dhe ligjor.
