Thuajse nga të gjitha vendet e globit vijnë mesazhe shprese se koronavirusi Covid-19 po mposhtet.
Lajmet më të fundit vijnë nga Australia e largët ku duket se qytetarët e tij vendi po i kthehen jetës normale.
Banorët në Sidnej të Australisë vërshuan të hënën drejt plazheve më popullore të qytetit, ndërsa autoritetet lehtësuan kufizimet ndaj pandemisë së Covid-19.
Mësohet se plazhi më i famshëm i qytetit, ai i Bondi-t, vazhdon të jetë i mbyllur. Plazhet e Coogee, Clovelly, Maroubra dhe Malabar u rihapën të gjitha këtë fillim jave.
Ekspertët deklarojnë se kjo do të ndikojë pozitivisht për shëndetin mendor të qytetarëve. Megjithatë, rregullat e distancimit social do të vazhdojnë të jenë në fuqi.
Urojmë që të lehtësohen dhe masat kufizuese në vendin tonë, por ashtu si rekomandojnë ekspertët të respektohen rregullat e distancimit social.
