Kryetari i opozitës, Lullzim Basha ka falenderuar Bashkimin Evropian për dhurimin e 20 mijë testeve për Covid-19.
Përmes një postimi në Twitter, Basha falenderon BE dhe shkruan se testimi është e vetmja mënyrë për të indetifikuar të infektuarit dhe frenimi i përhapjes së virusit. Më tej Basha shkruan se rritja e testimit është mënyra më e mirë pasi izolimi i qytetarëve dhe mbyllja e bizneseve kushton shumë ekonomisë së vendit.
“Faleminderit Bashkimi Evropian për ndihmën e çmuar për Shqipërinë. Vetëm rritja e numrit të testimeve mundëson identifikimin real të të prekurve dhe frenimin e përhapjes së virusit. Izolimi i qytetarëve dhe bllokimi i ekonomisë na kushton më shumë se rritja e numrit të testimeve. @LSorecaEU”, shkruan Basha
