Shumë prej shenjave që tregojnë koronavirusin si kollitja, dhe shtrëngimi i gjoksit janë edhe simptoma tipike të astmës. Ndërsa shenjat e tjera si teshtima, skuqja e syve, lodhja janë të ngjashme me alergjinë.
Por, si t’i dallojmë këto shenja nga njëra-tjetra, nëse jemi prekur nga koronavirusi apo astma?
“Mund të jetë shumë konfuze për pacientët,” – tha Dr. Lakiea Wright, e cila është e specializuar në Alergji dhe Imunologji në Brigham dhe Spitalin e Grave në Boston.
“Unë iu them pacientëve të mi të shohin simptomat dalluese të koronavirusit siç janë ethet dhe dhimbjet e trupit. Alergjitë ose astma nuk i shkaktojnë ato simptoma”, shton Lakiea Wright.
“Astma shkaktohet nga faktorë të ndryshëm në individë të ndryshëm: për shembull tymi i cigares mund të jetë shkaktari kryesor”– shprehet nga ana e tij. Dr. Matt Dougherty për CNN.
Ndërkaq, sipas pulmonologut Dr Albert Rizzo “Astmatikët duhet të përdorin pajisje që matin fuqinë e një fryme, për të monitoruar se sa mirë po qëndrojnë të hapura rrugët e frymëmarrjes.”
