Pas SHBA-vë që ishin të parët që reaguan me tone të ashpra ndaj Kinës për përhapjen e pandemisë së koronavirusit, tashmë edhe Gjermani është duke kërkuar llogari nga vendi aziatik.
Ministri për Bashkëpunim Ekonomik dhe Zhvillim i Republikës Federale të Gjermanisë, Gerd Müller, ka kërkuar një përgjigje zyrtare dhe një sqarim të hollësishëm nga Kina mbi pandeminë e COVID-19.
Në mediat gjermane po raportohet se ministri Müller ka kërkuar nga autoritetet kineze të jetë të hapur me botën, në këtë kohë të vështirë krize.
“Qeveria e Pekinit duhet të tregohet transparente dhe e hapur me botën, në këtë kohë të vështirë krize, që ka zaptuar botën”,- ka deklaruar ministri gjerman, duke shtuar se “kjo duhet sqaruar, përndryshe humbet besimi para qëndrimit të Pekinit”.
Ndërsa Instituti i virologjisë së Wuhanit (WIV) kundërshtoi tezën aktuale që virusi Sars CoV2 është një rrjedhje aksidentale nga laboratorët atje, dhe theksoi dhe një herë teorinë ekzistuese që virusi i lartpërmendur është shfaqur në tregun famëkeq./Fjala.al/
