Policia në Westport, Connecticut është duke testuar disa drone pandemikë, të cilët mund të monitorojnë dhe zbulojnë njerëz me simptoma të Covid-19.
Droni thuhet se monitoron temperaturat e njerëzve deri në 190 metra largësi dhe ka aftësinë për të zbuluar tështimat, kollitjet dhe për të kontrolluar frymëmarrjen duke përdorur sensorë kompjuterik.
Ai nuk do të përdoret në oborret private private dhe nuk do të përdorë të dhëna të individualizuara ose identifikimin e njerëzve, sipas Draganfly.
Kompania fillimisht priste që pajisjet të ishin pas gjashtë muajsh, por policia e Westport tashmë është duke bërë provat e dronëve.
Sistemi mund të përdoret për të identifikuar njerëzit që teshtijnë dhe kolliten në turma, zyra, aeroporte, anije lundrimi, shtëpi për kujdes të moshuar dhe vende të tjera ku grupe njerëzish mund të mblidhen.
Zyrtarët në Westport besojnë se teknologjia e re mund të jetë përgjigja për të luftuar përhapjen e koronavirusit dhe gjurmimin e atyre me simptoma.
Kjo teknologji i mundëson oficerëve të kenë informacione dhe të dhëna cilësore që u duhen për të marrë vendimin më të mirë në çdo situatë të dhënë, tha Foti Koskinas, shefi i Policisë Westport, në një njoftim për shtyp.
