72 vjeçari i arrestuar në Sarandë e ka pranuar krimin para uniformave blu por ka thënë se marrëdhënia seksuale ka qenë me dëshirë dhe se e mitura e ka provokuar.
Ndërkohë bazuar në dëshminë e të miturës para policisë abuzimi dyshohet të ketë nisur 3- 4 vite më pare kur ajo ishte 13 vjeç, raporton News 24. E mitura ka treguar se bashkë me familjen ka jetuar për disa vite me qira në shtepinë e dhunuesit, derisa ndërtuan shtëpine e tyre.
Kjo bëri që familja e saj të kishte marrëdhënie të mira me 72 vjeçarin. Duke qenë se ai jetonte vetëm sepse ishte i ve prej vitesh dhe fëmijët i kishte në emigracion, familja e çonte 17 vjeçaren që të shkonte në shtëpinë e dhunuesit për t’i gatuar dhe t’i pastronte herë pas here.
Në këto raste ai ka abuzuar me të miturën ndërsa kjo e fundit nuk tregonte sepse i vinte turp.
Kohët e fundit 17 vjeçarja ka nisur një histori dashurie me një moshatar të saj të cilit ia tregoi se herë pas here 72 vjeçari kishte abuzuar seksualisht me të. Djali e bindi që ta denonconte në Polici ngjarjen.
Ndërkohë që i arrestuari pretendon se marrëdhënia me vajzën ka qenë me dëshirë të kësaj të fundit.
