Makina e një polici në lagjen “5 Maji” në Elbasan është përfshirë nga flakët orët e para të mëngjesit të sotëm. Mësohet se automjeti është në pronësi të punonjësit të policisë kriminale në këtë qytet, Marius Memës.
Mema e kishte parkuar makinën para pallatit, pas mesnate kur ishte kthyer nga shërbimi dhe pak më vonë ka parë që makinës i ishte vënë flaka në pjesën e parme dhe pasme. Nga të dhënat paraprake dyshohet për zjarrvënie të qëllimshme.
Informacion paraprak
Në lagjen “5 Maji”, Elbasan, ka rënë zjarr në mjetin tip “Benz”, në pronësi të shtetasit M.M., i cili ishte i parkuar para banesës dhe si pasojë mjeti është djegur pjesërisht.
Grupi hetimor po punon për zbardhjen e shkakut të zjarrit dhe dokumentimin e plotë të ngjarjes./Fjala.al/
