Mjekja e Spitalit Infektiv, Nevila Gjermeni, ka uruar djalin e saj Bjornin për ditëlindje përmes një video-call-i, pasi ndodhet në frontin e parë të luftës dhe nuk mundet që ta takojë nga afër, si një masë ndaj Covid-19.
Së bashku me stafin e mjekëve e infermierëve të Spitalit Infektiv,Gjermeni ka uruar djalin e saj, ndërsa është shprehur se kjo ishte një ditëlindje krejtësisht ndryshe.
“Epo të paktën kjo ishte një ditëlindje ndryshe. Asnjëherë më parë nuk i kishin kënduar ‘Shumë urime për ty’ përmes një video-calli mjekë e infermierë, të Spitalit Infektiv. Bjon, dielli im u bëfsh edhe 100!”, shkruan në postimin e publikuar më vonë mjekja Nevila Gjermeni./Fjala.al/
