Përmes një zyrtarëve të saj të mjekësisë, Kina ka deklaruar se vaksina e parë ndaj koronavirusit mund të jetë gati pas pesë ose gjashtë muajsh.
Drejtori i përgjithshëm i Qendrës për Parandalimin dhe Kontrollin e Sëmundjeve Dr. Gao Fu shprehet se shteti kinez është në pritje të një kure që do të hidhet në treg për vaksinimin e Covid-19. Dhe kjo sipas tij mund të realizohet deri në muajin shtator.
Gao Fu shpjegoi se shtoi se vaksina do të përdoret për situata emergjente, siç mund të jetë një valë e dytë e shpërthimit të koronavirusit. Ndaj sipas tij, njerëzit duhet të bëhen gati që të përballen me këtë situatë që ka prekur gjithë botën.
“Për të zhvilluar një vaksinë gjithmonë duhet kohë. Për shkak se vaksina do të përdoret për njerëz të shëndetshëm, ju duhet të siguroheni që vaksina që po zhvilloni të jetë e sigurt dhe efikase”, saktëson ai. Ndërsa shton se “Ndoshta deri në shtator, mund të kemi një vaksinë që do të përdoret për raste urgjente. Për shembull, nëse kemi përsëri një shpërthim të dytë të koronavirusit”
Sipas drejtuesve të shëndetësisë kineze vaksina do të përdoret fillimisht tek stafi mjekësor dhe më pas do të kalojë te njerëzit./Përshtati nga Daily Mail për Fjala.al, B.Quku
