Të paktën 7 persona kanë humbur jetët dhe dhjetëra të tjerë janë plagosur nga tornadot që kanë goditur Shtetet e Bashkuara të Amerikës ditën e mërkurë dhe të enjte.
Vendet më të prekura janë Oklahoman Jugore, Teksas dhe në Luiziana, ndërsa nga BBC raportohet për përmbytje dhe tornado të shumta.
Gjatë tornados së rrezikshme në Okllahoma dhe Teksas humbën jetët pesë persona. Ndërsa në Luiziana, një person vdiq në një stuhi dhe një tjetër në ujërat e përmbytjes.
Më tej raportohet se me miliona njerëz kanë mbetur në rrugë, për shkak të motit shumë të keq në disa rajone.
Ndër të tjera raportohet se 100 mijë shtëpi kanë mbetur pa energji në jugun e Amerikës, që nga pasditja e së enjtes. Shërbimi Kombëtar i Motit (NWS) bëri me dije se “tornadoja jashtëzakonisht e rrezikshme” që goditi qytetin e Onalaska dhe pjesë të tjera të qarqeve Polk dhe San Jacinto në Teksas u formua rreth orës 18:00 me kohën lokale (23:00 GMT).
Guvernatori i Teksasit, Greg Abbott komunikoi se agjencitë e shtetit për menaxhimin e urgjencës po punojnë me zyrtarët lokalë për të ofruar ndihmë. Ndërsa pasoja të shumta kishte edhe në banesa, infrastrukturë e shumë të tjera./Fjala.al/
