Në valën e përhapjes së koronavirusit, shumë industri po shënojnë humbje marramendëse por ajo që rëndon buxhetet në këtë kohë, është turizmi.
Udhëtimi dhe shpenzimet në çdo periudhë të vitit vënë në lëvizje motorin e ekonomisë globale, duke gjeneruar miliarda dollarë fitime, kjo falë edhe revolucionit teknologjik. Por jo më. Sot turizmi është në vështirësi.
Teksa pandemia vijon tashmë prej muajsh, Këshilli Botëror për Udhëtimet dhe Turizmin, grupi tregtar që përfaqëson kompanitë më të mëdha të udhëtimeve dhe fluturimeve, ka projeksione të qarta për impaktin e krizës në këtë industri: 75 milionë vetë do të humbasin vendin e tyre të punës ndërsa ekonomia do të humbasë ekonomia do të humbasë të ardhura prej 2.1 trilion dollarë amerikanë.
Humbjet rriten ditë pas dite. Kështu psh nga dt 2, kompania britanike e fluturimeve “British Airëays” ka pezulluar 36 mijë punonjës. Industria e turizmit dhe fluturimeve në SHBA është e goditura më rëndë në këtë sektor.
Shoqata amerikane e udhëtimeve parashikon humbje të 4.6 milionë vendeve të punës deri në fund të muajit maj. Më i goditur do të jetë shteti i Nevadas, pasi në Las Vegas, kazinotë, baret e restorantet Janë mbyllur prej më shumë se 3 javësh.
Impakti i izolimit ka bërë që sektori i udhëtimeve të tkurret 5-6 herë më shumë se sa pas sulmeve terroriste të 11 shtatorit. Sipas shifrave zyrtare, vetëm për shkak të udhëtimeve brenda vendit, gjenerohen 2.6 trilion dollarë.
Kontinenti aziatik pritet të humbasë të ardhura në shumën e 88 mld dollarëve, Europa 76 mld dollarë. Më pak do të vuajnë vendet e prefer hats për pushime si Lindja e Mesme me 19 mld dollarë, Amerika Latine me 15 mld dhe Afrika me 4 mld.
Sa i përket kompanive ajrore, parashikohen humbje në 250 mld dollarë. Po njësoj do të jetë situata këtë sezon veror edhe për shërbimet hoteliere apo udhëtimet me kryqëzor. Këto të fundit e kanë ndjerë tashmë krizën, me humbjet që prej janarit që kanë arritur në 750 milionë dollarë.
Burimi: Nationalgeographic, përshtati: Fjala.al
