Ka shkuar në 20,287 numri i të vdekurve nga koronavirusi në Mbretërinë e Bashkuar. Gjatë 24 orëve të fundit, në këtë në Britani u regjistruan 781 viktima. Në Angli u raportuan 711 të vdekur gjatë kësaj periudhe dhe shifra e përgjithshme e viktimave shkoi në 18,084. Në Skoci u shënuan 47 raste të reja, ndërsa në Uells vdiqën 23 persona.
Në këtë mënyrë, Britania iu bashkua katër shteteve të tjera që i kanë regjistruar më shumë se 20 mijë viktima të koronavirusit: Shtetet e Bashkuara, Italia, Spanja dhe Franca.
Sipas të dhënave të Universitetit “Johns Hopkins”, deri të hënën pasdite në botë janë infektuar 2 milionë e 828 mijë persona, ndërsa kanë vdekur gati 198 mijë. Shtetet e Bashkuara vazhdojnë të jenë në vendin e parë në botë si për numrin e të infektuarve, ashtu edhe për shifrën e viktimave./Daily Mail