Ditën e sotme hartës së vendeve të prekur nga koronavirusi i është shtuar edhe Mati, nga ku raportohet se pozitive ka rezultuar një vajzë 16-vjeçare.
Në përditësimin e rasteve paraditen e sotme Ministria e Shëndetësisë tha se mes 34 personave të dalë pozitiv nga testet, një ishte në Mat, duke shënuar kështu rastin e parë. Sipas Ministrisë së Shëndetësisë rasti në Mat është kontakt i një prej rasteve pozitive të Krujës që lidhet me vatrën në fasoneri.
Ndërsa nga burime pranë Njësisë Vendore të Kujdesit Shëndetësor në Mat, bëhet me dije se ditën e djeshme janë marrë katër tampon në familjen e vajzës së infektuar në një fshat të Njësisë Administrative Komsi. Nga familjarët vetëm vajza 16 vjeçe e ardhur nga Kruja ka rezoltuar pozitive, ndërsa tre të tjerët kanë rezultuar negativ.
Më tej shtohet se gjatë ditës së sotme janë marrë edhe 6 kampion të tjerë për analizë, përgjigja e së cilave do të dalin të dielën./Fjala.al/
