Përgjatë ditëve të fundit ka pasur thashetheme se lideri i Koresë së Veriut, Kim Jong-Un ka vdekur pasi ishte në gjendje shumë të rëndë shëndetësore.
Sipas mediave kineze që kanë burime shumë të afërta me liderin 36-vjeçar, raportojnë se ai ka vdekur, ndërsa mediat shtetërore në Japoni pretendojnë se ai është në koma për më shumë se një muaj.
Nga ana tjetër, imazhet satelitore, tregojnë trenin special prej 250 metrash që qëndron para një prej pronave të tij që ndodhen në Wonsan dhe që shërben vetëm për nevojat e familjes së liderit, shkruan The Guardian.
Megjithëse vendndodhja e Kim mbetet e panjohur, prania e trenit në një stacion hekurudhor të rezervuar për familjen e tij në zonën ‘elitare ’në bregdetin lindor, tregon se ai e ka vizituar këtë resort.
Treni ka qëndruar para shtëpisë së Kim prej datës 23 prill, por The Guardian nuk ka gjetur ndonjë lidhje nëse treni shërben vetëm për nevojat e familjes apo tregon se Kim është duke qëndruar në atë shtëpi.
Spekulimet për shëndetin e Kim, filluan për shkak të mungesës së tij në përvjetorin e ditëlindjes së babait dhe themeluesit të Koresë së Veriut dhe gjyshit të tij, Kim Il-Sung, më 15 prill.
