Edhe pse në karantinë, festimet e ditëlindjes së 46-të të saj, zgjatën për më shumë se një javë. Një DJ organizoi një festë virtuale në nder të saj dhe u transmetua në Instagram. Tortën me çokollatë ja bënë surprizë sërish online.
Nuk munguan dhuratat ndërsa verërat me kosto 2 mijë paund njëra, u shpërndanë edhe për miqtë nëpër botë, për të festuar të gjithë bashkë në të njëjtën kohë, ditëlindjen e Victoria Beckham.
Por ajo ç’ka bëri lajm në tabloidet britanike, ishte fakti se përpos pasurisë 335 milionë paund të familjes Beckham dhe biznesit që po shkon mirë edhe në këtë periudhë pandemie, Victoria ka zgjedhur të pushojë 30 anëtarë të stafit të saj, për shkak se nuk i përballon dot shpenzimet.
Kjo është mënyra më e mirë, sipas mediave britanike, sesi mund të dëmtohet kaq lehtë imazhi i një njeriu që kujdeset aq shumë për figurën publike.
Tabliodet shkojnë më tej kur shkruajnë se edhe në këtë rast, Zonja Beckham ka luajtur rolin e një “Viktime” kur është përgjigjur se nuk ka bërë asgjë të gabuar, përveçse është kujdesur për financat e saj dhe të familjes së saj.
Sipas “Daily Mail”, biznesi i saj “Victoria’s Secret” nuk po shkon aspak mirë dhe ka shënuar veç humbje që prej themelimit në vitin 2008 dhe parashikohet që për këtë vit, së paku deri në nëntor, pavarësisht koleksionit të ri, ish-këngëtarja e Spice Girl të raportojë humbje prej 90%.
Akuzat nëpër portale, pavarësisht ditëve të lumtura e të qeta mes familjes, zonja Beckham i është përgjigjur me një status në rrjetet sociale: “Kjo është java më e keqe e jetës time”. Apo ndoshta, prioritetet edhe duhet të ndryshohen në këtë periudhë pandemia.
Shëndeti mbi të gjitha, e më pas biznesi. Pas ditëlindjes, këto nuk ishin lajmet më të mira që mund të merrnin këtë javë 28 milionë ndjekësit e fashionistes 46 vjeçare.
