Situata e krijuar nga koronavirusi që ndërpreu për rreth dy muaj kompeticionet kryesore të futbollit ka bërë që së fundmi FIFA të propozojë një risi për sa i përket vazhdimit të pjesës së mbetur të sezonit.
Mediat e huaja raportojnë se qeveria e futbollit botëror u shpreh pro lejimit të kryerjes së 5 zëvendësimeve për çdo skuadër gjatë ndeshjeve.
Megjithatë që ky propozim i FIFA-s të hyjë në fuqi duhet të miratohet nga Bordi i Shoqatës Ndërkombtare të Futbollit (IFAB), e cila miraton rregullat e lojës së futbollit.
Duhet theksuar se në qoftë se ky propozim do të kalohej me sukses, do të ishte një ndihmë e madhe për klubet e futbollit, të cilat do të kenë mundësi të aktivizojnë më tepër lojtarë në ndeshje dhe të në këtë mënyrë të kenë më shumë forcë për të marrë rezultate të mira. Megjithatë duke parë se në situatën e Covid-19 janë bërë shumë tolerime për vazhdimësinë e aktivitetev futbollistike, ka shumë gjasa që ky sugjerim të aprovohet./Fjala.al/
