Gjatë 24 orëve të fundit në Maqedoninë e Veriut 4 persona kanë ndërruar jetë nga koronavirusi.
Ministria e Shëndetësisë bëri me dije në Klinikën për Sëmundje Infektive në Shkup kanë vdekur 2 pacientë, një grua 58 vjeçare nga Zhelina e Tetovës e cila ishte shtruar në spital që nga 21 prilli në gjendje të rëndë, ndërsa viktima tjetër është një 81 vjeçare nga Kumanova e cila në Klinikë po mjekohej që nga 15 prilli. Që të dyja pacientet kanë qenë me shtypje të lartë të gjakut. Në Spitalin “8 shatori” ka vdekur një person nga Kumanova i moshës 47 vjeç, i shtruar në spital më 3 prill ndërsa për një kohë të gjatë ka qenë i vendosur në aparat respirator. Në Manastir po ashtu ka ndërruar jetë një pacient i moshës 66 vjeç.
Gjithashtu gjatë 24 orëve të fundit janë kryer 289 teste nga të cilët kanë rezultuar pozitiv me koronavirusin Covid-19, 13 persona, duke e cuar numrin e përgjithshëm të të infektuarve në vend 1399./Fjala.al
