Një nga vatrat e reja të koronavirusit tashmë janë shndërruar edhe burgjet. Pas konfirmimit të 13 personave me koronavirus në burgun “313” në Tiranë, Covid-19 ka plasur edhe në qelitë e paraburgimit 302, në komisariatin numër 3 në rrugën “Mine Peza”.
4 persona që mbahen në qeli janë të konfirmuar me Covid-19. Një ditë më parë, urgjenca ka marrë për të shtruar në spital një të ndaluar, i cili qëndronte aty prej dy javësh me temperaturë të lartë, transmeton A2.
