Tedros Adhanom Ghebreyesus, drejtori i përgjithshëm i OBSH paralajmëron se pandemia koronavirus ende nuk ka përfunduar. “Pandemia është ende larg fundit”, tha ai në një konferencë për shtyp.
Në emër të OBSH ai theksoi se të gjitha shtetet duhet të vazhdojnë të jenë të shqetësuar për trendin në rritje të numrit të të infektuarve apo viktimave, kryeisisht në Afrikë, Europën Lindore, Amerikën Latine dhe vendet aziatike.
“Si në të gjitha rajonet, rastet e reja dhe viktimat sa vijnë e shtohen për shkak të kapacitetit të ulët të testimeve” tha Tedros. “Virusi nuk do të mposhtet nëse ne nuk jemi të bashkuar. Nëse ne jemi të ndarë, virusi do të shfrytëzojë përçarjen tonë dhe do të krijojë mundësitë për të vepruar. Jetë të tjera do të humbasin përballë kësaj sëmundje”, tha drejtuesi i OBSH.
