Dy persona kanë mbetur të vdekur në Lukaj të Lezhës, pranë trupave të të cilëve është gjetur armë zjarri.
Policia është nisur drejt vendit të ngjarjes, ndërsa nuk dihen ende identitetet e viktimave, shkaqet dhe rrethanat në të cilat ka ndodhur.
Ndërsa viktimat që mësohet se janë Preng Simoni dhe Kolë Murrani raportohet të jenë rreth moshës 60-vjeçare.
“Në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes”, njofton Policia./Fjala.al/
