Shumë foto dhe video po qarkullojnë ditët e fundit që tregojnë një varg me drita të bardha që lëvizin në qiell. Ato duken si yje dhe lëvizin me shpejtësi të madhe. Ka nga ata qytetarë që kanë menduar se bëhet fjalë për shi meteorësh, por nuk kanë munguar as dyshimet se po vizitohemi nga jashtëtokësorët.
Por çfarë janë dritat e bardha lëvizëse që janë parë nga zona të ndryshme të vendit?
Bëhet fjalë për satelitë të kompanisë së njohur amerikane ‘Space X’, e cila deri më 16 prill ka lëshuar 362 satelitë Starlink.
Starlink është një rrjetë satelitor që po ndërtohet nga ndërmarrja amerikane SpaceX për të siguruar akses në internet satelitor. Kjo rrjetë do të përbëhet nga mijëra satelitë të vegjël. SpaceX gjithashtu planifikon të shesë disa nga satelitët për qëllime ushtarake, shkencore ose eksploruese.
https://youtu.be/Ia1YHI3Zdo0
