Këngëtarja shqiptare Eliza Hoxha, e cila së fundmi ka nisur edhe një karrierë në politikë është kërcënuar me jetë.
Në rrjetet sociale është publikuar një mesazh që e ka shqetësuar Hoxhën, shkruajnë mediat kosovare.
“Je e vdekur Eliza Hoxha,“- shkruhet në një status të një personi me emrin Shend Dushi.
Këtë status, vetë Eliza e ka bërë publik në profilin e saj në Instagram, ku shkruan se ajo që nga momenti që ka hyrë në politikë, ka marrë lumë ofendimesh dhe mesazhesh të tillë.
“PASQYRË SHOQËRORE KOSOVARE. Prej se kam hy në politikë përditë të lume marr ofendime publike e edhe në inbox kot e kot… Liria me linqu dhe me stigmatizu në Kosovë është aq e jashtzakonshme sa që kalon në shkelje, abuzim dhe kërcnim të tjetrit ….krejt kjo në emër të lirisë së mendimit dhe veprimit.
Kur kësaj ia shton faktorin gjinor ky presion dhe kjo luftë është edhe dy herë më e egër,“- shkruan Hoxha krah fotos.
