Pas plagosjes me armë zjarri në qytetin e Peqinit, ka reaguar policia e cila bën me dije se personi i plagosur është një 41-vjeçar i indetifikua me inicialet I.P, punonjës në burgun e Peqinit.
Punonjës i burgut të Peqinit është plagosur me armë zjarri, ndërkohë shkrepja e armës është bërë jashtë mureve të burgut në drejtim të ambienteve të brendshme. Ende nuk dihet nëse 41-vjeçari ka qenë objektivi i sulmit apo ndonjë i burgosur.
E çuditshme është fakti se policia nuk ka gjetur asnjë gëzhojë në vendngjarje ndërkohë që grupi hetimor po punon për zbardhjen e plotë të kësaj ngjarjeje.
NJOFTIMI I POLICISË:
Peqin/Informacion paraprak
Më datë 28.04.2020, rreth orës 19.40, është lënduar lehtë dyshohet nga një plumb qorr, shtetasi I.P, 41 vjeç, punonjës i IEVP Peqin, i cili pas ndihmës së parë mjekësore, ndodhet në institucionin ku punon dhe po merret në pyetje nga Grupi Hetimor.
Në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë.
Grupi Hetimor vijon punën nën drejtimin e Prokurorisë për zbardhjen e rrethanave të ngjarjes.
