“Melrose Place” rikthehet, këtë herë për një kauzë të mirë. Krijuesit dhe producentët ekzekutivë të serialit të famshëm lajmëruan se kasti i telenovelës së famshme të viteve ’90, do të bashkohen sërish në një edicion special të quajtur “Stars in the house”më 28 prill.
Kjo është hera e parë që Josie Bissett (Jane Mancini), Thomas Calabro (Michael Mancini), Marcia Cross (Kimberly Shaw), Laura Leighton (Sydney Andrews), Heather Locklear (Amanda Woodward), Doug Savant (Matt Fielding), Grant Show (Jake Hanson), Andrew Shue (Billy Campbell), Courtney Thorne-Smith (Alison Parker) dhe Daphne Zuniga (Jo Reynolds) do të bëhen bashkë që prej vitit 2012, në “shtëpitë”e tyre të vjetra në perëndim të Hollyëoodit.
Ribashkimi i kastit do të mbështesë “Fondin e aktorëve”, që i dedikohet pdubluesve dhe punëtorëve pas ekranit. Ndjekësit mund të ndërveprojnë me aktorët, ti drejtojnë pyetje, në kohë reale./Fjala.al/
