William dhe Kate festojnë sot përvjetorin e nëntë të martesës së tyre, duke ndarë në rrjetet sociale foto nga 29 prilli i vitit 2011.
Kjo është një nga fotot më të klikuara përgjatë kësaj dekade, ku çifti shfaqet në dalje të Westminster Abbey, pasi i thanë PO njëri-tjetrit në altar. Pas tyre shfaqen princi Harry dhe motra e Kate, Pippa Middelton, kjo e fundit shoqëruesja e nderit.
Pasi postuan foto nga dita e tyre e shënuar, që u cilësua si një nga dasmat më të bukura të mijëvjeçarit, Duka dhe Dukesha e Kembrixh falënderuan fansat e ndjekësit e tyre për mesazhet dashamirëse, shkruan Daily Mail.
Jeta bashkëshortore e çiftit ka qenë e qetë dhe rrallë herë janë shfaqur në tabliode e revista ndërsa sot janë prindër të tre fëmijëve, Princi George 6 vjeç, Princesha Charlotte 4 dhe Princi Louis 2 vjeç.
