Liga Nord kërkon që rajoni i Lombardisë në Itali, t’i dërgojë Kinës një faturë 20 miliardë euro dëmshpërblim për të gjitha dëmet që ka shkaktuar koronavirusi në këtë territor.
Lajmi është bërë i ditur nga grupi parlamentar i kësaj partie. “Jemi gati t’i dërgojmë ambasadorit kinez në Romë një faturë dëmi prej 20 miliardë euro”, ka deklaruar deputeti e sekretari rajonal i Partisë Lega, Paolo Grimoldi. “Të njëjtën gjë po bëjnë të gjitha vendet perëndimore” shton ai.
Në SHBA vende të veçanta kanë denoncuar e kanë kërkuar dëmshpërblim Kinës për pasojat e pandemisë, po ashtu shteti amerikan i jep të drejtë çdo qytetari të bëj të njëjtën gjë ndaj Kinës. Po ashtu po ndodh dhe në Austri e në Britaninë e Madhe e vetëm në Itali ka veç heshtje”, thotë deputeti legist.
“E në mungesë të fjalës së shtetit, i takon rajoneve të japin një sinjal të fortë” shprehet sekretrari i Partisë Lidhja për rajonin e Lombardisë Paolo Grimoldi.
