Pjesëtari i ISIS që u arrestua në Shqipëri, mësohet të jetë 24 vjeçari nga Taxhikistani i identifikuar si Komron Zukhurov, ndërsa është i afërm i bashkëjetueses së ish-deputetit të PD-së, Asllan Dogjani.
Ai u vendos në pranga mbrëmjen e djeshme në Bulevardin ‘Dëshmorët e Kombit’, ndërsa ishte strehuar në një familje nga Taxhikistani në zonën e Laprakës dhe ishte shpallur në kërkim ndërkombëtar i dyshuar si anëtar dhe pjesëmarrës organizatës së huaj terroiste të themeluar si celulë terroriste në Gjermani për të kryer sulme në emër të ISIS raposton ABC Neës.
Në datën 15 prill grupi i tij u godit nga shteti gjerman, ndërsa mediat gjermane raportuan se njëri nga anëtarët e kësaj ceule Ravsan B. kishte pranuar një urdhër për të kryer një vrasje në Shqipëri, për të cilin do të paguhej 40 mijë dollarë.
Ravsan B., një refugjat nga Taxhikistani në Ëuppertal, kishte rënë dakort që të vriste një biznesmen shqiptar pas telefonatës që mori nga një numër suedez ku i thuhej se “duhet të varroste një njeri të ndyrë”.
Megjithatë kjo gjë u arrit që të verifikohej vetëm pas kontrollit që autoritetet i bënë celularit të tij. Ndërsa gjysma e parave janë “për vëllezërit”, thuhej në përgjimet që iu gjeten Ravsan.B, pasi pjesën tjetër duket se do ta mbante për veten dhe shokët e tij në Gjermani.
Autoritet gjermane ndaluan terroistët që të mund të kryenin vrasjen në Shqipëri. Prokuroria e përgjithshme bëri me dije se Ravsan B. ka qenë në Shqipëri bashkë me shokun e tij Sunatullokh K. për të kryer sulmin, por dështuan.
Më tej hetimet treguan se nga gjashtë anëtarët e grupit terrorist, tre prej tyre kanë qenë në Shqipëri, ndërsa katër të tjerë tashmë janë prapa hekurave.
Banda kriminale ishte bashkuar me ISIS në Janar të vitit 2019 dhe kishin kontakte me dy udhëheqës të lartë të organizatës në Siri dhe Afganistan, nga të cilët merrnin udhëzime për veprimet e tyre./Fjala.al/
