Dr. Anthony Fauci është një nga këshilltarët më të rëndësishëm të presidentit amerikan Donald Trump dhe cilësohet nga amerikanët si një hero në menaxhimin e pandemisë së koronavirusit.
Madje, sipas një sondazhi të fundit, amerikanët i besojnë më shumë Dr. Faucit, se sa Donald Trumpit.
Megjithatë, Dr. Fauci ka edhe një të shkuar që lidhet me kinezët, e veçanërisht me laboratorin e Wuhanit, ku janë bërë kërkime dhe studime të rrezikshme mbi koronavirusin, ku tashmë SHBA akuzon Kinën se sëmundja ka rrjedhur pikërisht prej këtij laboratori.
Sipas Newsweek, vitin e kaluar, Instituti Kombëtar për Alergjitë dhe Sëmundjet Infektive, organizata e drejtuar nga Dr. Fauci, financoi shkencëtarët në Institutin Wuhan të Virologjisë dhe institucionet tjera për punën në kërkimin dhe përfitimit të funksionit mbi koronaviruset e lakuriqëve të natës.
Në vitin 2019, me mbështetjen e NIAID, Institutit Kombëtar të Shëndetësisë ofroi 3,7 milionë dollarë gjatë 6 viteve për kërkime që përfshinin disa projekte.
LEXO EDHE:
Koronavirusi erdhi nga kafshët apo nga laboratori kinez? Ja çfarë thonë provat shkencore
Programi pasoi një tjetër projekt 5-vjeçar prej 3,7 milionë dollarësh për mbledhjen dhe studimin e koronaviruseve të lakuriqëve të natës, i cili përfundoi në vitin 2019, duke e çuar totalin në 7,4 milionë dollarë.
Shumë shkencëtarë e kanë kritikuar punë e laboratorit, i cili merret me manipulimin e viruseve për të eksploruar potencialin e tyre për infektimin e njerëzve, sepse kjo krijon rrezik për fillimin e një pandemie nga rrjedhja aksidentale.
SARS-CoV-2, virusi që po shkakton një pandemi globale, besohet të ketë origjinën nga lakuriqët e natës.
Inteligjenca amerikane, pasi pohoi fillimisht se koronavirusi kishte ardhur nga kafshët e egra, muajin e kaluar ndërroi mendje duke thënë se pandemia mund ta ketë origjinën nga laboratori i Wuhanit.
Në këtë pikë shumica e shkencëtarëve thonë se kjo me shumë gjasë mund të ketë ndodhur por sipas tyre është shumë e vështirë që virusi të jetë manipuluar. Vetë Dr. Fauci nuk ka pranuar të komentojë lidhjet e tij me laboratorin kinez, kur është pyetur nga Newsweek.
Instituti Kombëtar i Shëndetësisë (NIH) reagoi përmes një deklarate ku theksonte se “Shumica e viruseve vijnë nga bota e egër, dhe këto përfaqësojnë një kërcënim të madh për shëndetin publik dhe sigurinë biologjike në SHBA dhe globalisht, siç dëshmohet nga epidemia e SARS e 2002-03, dhe Pandemia COVID-19 …. kërkimet shkencore tregon se nuk ka asnjë provë që sugjeron që virusi është krijuar në një laborator”.
Kërkimi shkencor i NIH përbëhet nga dy pjesë.
Pjesa e parë filloi në vitin 2014 dhe përfshin mbikëqyrjen e koronaviruseve të lakuriqëve të natës me një buxhet prej 3,7 milionë dollarë.
Programi e financoi Shi Zheng-Li, një virolog në laboratorin Wuhan, dhe studiues të tjerë për të hetuar koronaviruset e lakuriqëve të natës.
Projekti përfundoi në vitin 2019. Ndërsa faza e dytë e këtij projekti përfshiu kërkimet shkencore shtesë me qëllim të të kuptuarit se si koronaviruset e lakuriqëve të natës mund të të pësojnë mutacion kur infektojnë njerëzit.
Projekti u drejtua nga EcoHealth Alliance, një grup kërkuesish shkencorë nën drejtimin e presidentit Peter Daszak. Ky i fundit është ekspert në ekologjinë e sëmundjeve. NIH e anuloi projektin vetëm ditët e fundit më 24 prill.
LEXO EDHE:
Dalin pamjet e tmerrshme/Ja çfarë bënin shkencëtarët kinezë brenda laboratorit
