Kryeministri i Rusisë, Mikhail Mishustin ka rezultuar pozitiv me koronavirus. Mishustin ka bërë me dije lajmin gjatë një videokonference me presidentin e vendit, Vladimir Putin.
Ai tha se do të vetëizolohet, ndërsa ka ngarkuar zëvendësin e tij, Andrey Belousov, për të ndjekur punët e përditshme të Qeverisë.
“Sapo u njoftova se testi i koronavirusit ka rezultuar pozitiv, prandaj duhet të vetëizolohem edhe për të mirën e kolegëve të mi”, deklaroi Mishustin.
Mikhail Mishustin është kryeministri i dytë në botë, pas Boris Johnson të Mbretërisë së Bashkuar, që rezulton pozitiv me COVID-19.
Mbi 100 mijë persona janë infektuar në Rusi nga ky virus, ndërsa 1,073 të tjerë kanë ndërruar jetë.
