Një studim i ri thekson se deri më tani nuk është gjetur asnjë rast që fëmijët të transmetojnë te të rritur koronavirusin.
Në analizat e kryera me këtë rast është verifikuar se fëmijët nuk e përhapin koronavirusin, shkruan Fox News.
Edhe vetë Organizata Botërore e Shëndetësisë thekson që deri më tani nuk është shënuar ndonjë rast që fëmijët më të vegjël se 10 vjeç të kenë transmetuar koronavirusin te më të rriturit apo të moshuarit.
Studimi i cili është realizuar nga Kolegji Mbretëror i Pediatrisë dhe i Shëndetit të Fëmijëve ka zbuluar që provat e tyre tregojnë në vazhdimësi që, megjithatë, fëmijët nuk kanë rol të rëndësishëm në zinxhirin e infektimit, siç është menduar më herët.
Koronavirusi sulmon fëmijët shumë rrallë dhe përfshin shpesh raste asimptomatike. Ekzistojnë prova për rastet kritike të fëmijëve, mirëpo ato janë shumë të rralla.
“Roli i fëmijëve ende është i paqartë, por si duket ata nuk luajnë rol më të rëndësishëm”, ka thënë Dr Alasdair Munro, hulumtues klinik i sëmundjeve infektive pediatrike. Në Francë, këtë javë është zbuluar një djalosh nëntëvjeçar, i cili është i infektuar me coronavirus, por që nuk ia ka transmetuar virusin askujt, me gjithë kontaktin me më shumë se 170 njerëz. Këto teori i përkrahin edhe zviceranët. ”Fëmijët e vegjël nuk infektohen dhe nuk e bartin virusin. Ata nuk kanë receptorë për të marrë sëmundjen”, ka thënë Shefi për Sëmundje Infektuese në Ministrinë e Shëndetësisë, Daniel Koch.
