Për shëndetin e Kim Jong un, diktatorit të Koresë së Veriut, do vazhdohet të flitet dhe do të ngrihen shumë konspiracione derisa ai të shfaqet në publik, ose derisa të konfirmohet ajo që raportojnë disa media në Korenë e Jugut, se ka ndërruar jetë.
Këtë version të fundit e mbështet edhe Ji Seong-ho, politikan në Korenë e Jugut, por me origjinë nga Koreja e Veriut. Seong-ho u arratis nga vendi i tij në vitin 2006 dhe që prej asaj kohe është angazhuar në Seul në mbrojtje të popullit në Veri.
Ai shprehet 99% i sigurtë se Kim Jong Un ka ndërruar jetë.
“Unë kam menduar se sa kohë i duhet një personi që të marrë veten pas një operacioni kardiovaskular. Jam informuar se Kim ndërroi jetë fundjavën e kaluar. Nuk është 100% e sigurtë, por mund të them se mundësia është 99%. Koreja e Veriut besohet se po merret me një çështje të komplikuar”, është shprehur Ji Seong-ho.
Diktatori korano-verior i është nënshtruar një operacioni në zemër, por edhe pse disa burime flasin se ai ka ndërruar jetë, zyrtarët në Korenë e Jugut, Kinë dhe SHBA nuk konfirmojnë gjendjen e tij.
