Kampionati anglez i futbollit përfaqëson rebusin më të madh për mënyrën sesi do rinisë të luajë ndeshjet e mbetura të këtij sezoni, i ndikuar nga prestigji si Liga më e fortë dhe më e bukur e planetit, e një lumë kontratash pas saj, me të drejtat televizive dhe sponsorët.
Por një prej personazheve që ka spikatur në dekadën e fundit me gola emocionues dhe që ka kontribuar në tituj, Sergio Aguero tha se ekziston frika mes lojtarëve për shkak të pandemisë.
“Shumica e futbollistëve ka frikë që të rikthehet e të luajë pasi kanë fëmijë, kanë një familje. Nëse ndokush prej nesh do të sëmuret, do të pyesim veten se çfarë bëjmë në të vërtetë” tha futbollisti argjentinas i Mancester Sitit.
“Jam i mbyllur në shtëpi me partneren time por ka njerëz që e kanë koronavirusin dhe mund ta transmetojnë edhe pse nuk kanë simptoma.
Unë vetë mund të jem i infektuar dhe as nuk e di këtë. Kur të rikthehemi të luajmë, futbollistët do të jenë të nervozuar por shpresoj shumë që do të gjendet një vaksinë, dhe ky makth do përfundojë” tha Sergio Aguero./ Fjala.al
