Vendimi i Lëvizjes Vetëvendosje për të përmendur Kushtetutën e Serbisë në ankesën që ka bërë në Gjykatën Kushtetuese kundër drektimit të Avdullah Hotit si kryeministër të Kosovës, ka sjellë reagime të shumta në Beograd.
‘Republika.rs’, referuar dokumentit të VV-së shkruan se, “kushtetuta e Serbisë është e pacenueshme dhe se shqiptarët po citojnë dokumentin e vetëm të vërtetë”, duke nënvlerësuar kështu Kushtetuën e Kosovës.
Në ankesën e dorëzuar në Kushtetuese, Lëvizja Vetëvendosje ka përdorur si argument edhe Kushtetutën e Serbisë për të treguar vakumin që ka Kushtetuta e Kosovës sa i përket krijimit ose jo të qeverive të reja pas mocionit të mosbesimit.
“Pra, për të argumentuar më thellë çështjen e vakumit kushtetues në aktivizimin e nenit 95 dhe 95 par 4 të të Kushtetutës së Kosovës, jemi të detyruar që përmes kushtetutave të vendeve të rajonit dhe të shteteve të BE’së, të argumentojmë se si nuk mungojnë dispozita kushtetuese në formë të shprehur në krijimin e qeverive të reja pas mocionit të mosbesimit ndaj qeverive aktuale”, thuhet në dokumentin e VV-së.
Por ky venidm i VV-së ka ngjallur reagime të shumta edhe në Prishtinë për faktin se në Kushtetutën e Serbisë vijon të konsiderohet Kosova si territor i serbëve.
