Ogerta Manastirliu, ministrja e Shëndetësisë ka publikuar në llogarinë e saj në ‘Facebook’ moment prekëse nga Shtëpia e të Moshuarve në Tiranë.
Punonjësit e këtij institucioni janë izoluar prej 50 ditësh me të moshuarit dhe sot ata do të rikthehen në shtëpi. Ministrja thekson se stafi do të zëvendësohet me personel tjetër.
Mesazhi i Manastirliut:
Pas 50 ditësh të izoluara larg familjeve të tyre, duke u shërbyer me përkushtim të moshuarve të vetmuar, ndërrimi i ekipit të kujdestareve dhe të gjithë punonjësve të Shtëpisë së të Moshuarve në Tiranë, ka qenë një moment emocionues
#Mbrojmë shëndetin e gjyshërve
#Krenare për #sakrificën e ekipeve tona në qendrat e kujdesit social
Kujtojmë se qeveria vendosi rregulla të forta për moshat e treta, të cilat nuk duhet të dilnin nga banesat, apo dhe nga shtëpitë e kujdesit, pasi janë të rrezikuar nga koronavirusi.
