Kim Jong-un është shfaqur në publik për herë të parë pas 20 ditësh mungesë.
Kështu raportojnë të paktën mediat shtetërore të Koresë së Veriut.
Agjencia e lajmeve KCNA raporton se udhëheqësi i Koresë së Veriut preu shiritin në inaugurimin e një fabrike për përpunimin e plehrave.
Sipas medieve të Koresë së Veriut, të pranishmit në inaugurim shpërthyen në brohoritje, kur u shfaq Kim Jong-un.
Dalja e tij është në publik vjen pas spekulimeve të shumta mbi shëndetin e tij, ku shumë media botërore, zyrtarë të ndryshëm, brenda dhe jashtë Koresë së Veriut raportonin se Kim Jong-un mund të kishte vdekur, transmeton BBC. 
Rastin e komentoi edhe vetë presidenti amerikan Donald Trump i cili tha se dinte diçka mbi shëndetin e Kim Jong-un, por nuk mund ta ndante për opinionin publik.
Megjithatë, raportimet e fundit të medieve shtetërore të Koresë së Veriut nuk mund të verifikohen apo konfirmohen në mënyrë të pavarur, edhe pse ato kanë publikuar foto ku diktatori i këtij vendi shfaqet duke prerë shiritin në inaugurimin e fabrikës./Përshtatur nga BBC/
