Krerët e Bashkimit Europian janë zotuar të mbledhin miliarda euro në kuadër të luftës globale kundër koronavirusit.
Teksa kanë theksuar se mbështesin thirrjen e Organizatës Botërore të Shëndetit për veprim të përbashkët, udhëheqësit njoftuan nisjen e një Aksesi për Përshpejtimin e Mjeteve COVID-19, një “platformë globale e bashkëpunimit për të përshpejtuar dhe shkallëzuar kërkimin, zhvillimin, hyrjen dhe shpërndarjen e barabartë të vaksinës dhe trajtime të tjera terapeutike dhe diagnostikuese për shpëtimin e jetëve”.
Nesër (të hënën) ata planifikojnë të mbledhin fillimisht 7.5 miliardë euro në një konferencë për premtime në internet – fonde që janë vetëm fillimi i asaj që është e nevojshme në luftë kundër COVID-19, thanë ata.
Përmes një deklaratë udhëheqësit shkruan: “Nëse ne mund të krijojmë një vaksinë që prodhohet nga bota, për të gjithë botën, kjo do të jetë një e mirë publike unike globale e shekullit XXI. Së bashku me partnerët tanë, ne angazhohemi ta bëjmë atë të disponueshme, të arritshme dhe të përballueshme për të gjithë“.
Më tej ata theksuan që çdo euro ose dollar do të kanalizohet përmes organizatave globale shëndetësore si CEPI, Gavi, Aleanca e Vaksinave dhe Fondi Global dhe Unitaid.
Nënshkruesit ishin: Charles Michel, President i Këshillit Evropian; Ursula von der Leyen, President i Komisionit Evropian; Giuseppe Conte, Kryeministër i Italisë; Emmanuel Macron, President i Francës; Angela Merkel, Kancelare e Gjermanisë; Erna Solberg, Kryeministri i Norvegjisë.
Rezerva e përbashkët e pajisjeve mjekësore të BE-së, e krijuar në prill për të luftuar koronavirusin, ka dërguar qindra mijëra maska në Spanjë, Itali dhe Kroaci këtë fundjavë.
“Ne kemi punuar nga ora në orë për të ngritur rezervën e pajisjeve mjekësore shpëtimtare. Tashmë kemi krijuar një stok maskash. Spanja, Italia dhe Kroacia do të jenë të parat që marrin pajisje, por do të pasojnë më shumë dërgesa. Falënderoj Rumaninë dhe Gjermaninë që ishin vendet e para anëtare që mikpritën pajisjet e shpëtimit, “tha Komisioneri për Menaxhimin e Krizave, Janez Lenarčič.
Deri në këto momente OBSH ka konfirmuar më shumë se 80,000 raste të reja të COVID-19 të shtunën, duke e çuar shifrën globale në 3.26 milion.
Ndërsa shifrat ditorë nuk tregojnë asnjë shenjë të një ngadalësimi global, megjithëse në rajonin më të prekur në botë, Evropën, duket se ka një ngadalësim. Që nga 1 prilli, numri i rasteve të reja të njohura nga OBSH çdo ditë ka mbetur midis 70,000 dhe 90,000 raste të reja në ditë./Fjala.al/
