Dy shqiptarë në Greqi akuzohet se kanë vjedhur 200 mijë euro Vodhi 200 mijë euro pajisje nëpër universitete, arrestohet 37-vjeçari shqiptar në Universitetin Teknik të Athinës dhe Universitetin Kombëtar Kapodistrian. Njëri prej tyre i moshës 37-vjeç u arrestua të martën, ndërsa tjetri i moshës 28-vjeç është ende i lirë.
Bëhet me dije se gjatë shkurtit dhe mesit të muajit prill janë vjedhur 25 zyra profesoreësh dhe 20 laboratorë në të dy universitetet.
Por, si procedonin të rinjtë? Pasi kryenin vjedhjet të rinjtë jetonin sikur nuk kishte ndodhur asgjë në një nga dhomat e një konvikti të vjetër, ku dhe fshihnin një pjesë të pajisjeve të vjedhura.
Gjatë arrestimit, 37-vjeçari ka bërë rezistencë thirrjeve të policisë për të ndaluar. Ai ka hipur në makinën e tij dhe është future në trotuar duke shkuar drejt policëve në mënyrë kërcënuese, shkruan “Kathimerini”.
Edhe pse ndaj tij u bë thirrje e vazhdueshme ai nuk ndaloi gjë që detyroi policinë të qëllonte ndaj tij për ta ndaluar. Por 37-vjeçari vazhdoi të ecte me makinë derisa është përplasur me disa makina të parkuara dhe një pemë derisa automjeti nuk mund të lëvizte më.
Ai më pas doli nga dritarja e pasagjerit dhe u përpoq të hidhej mbi kangjella të Politeknikut, por nuk ia doli pasi u ndalua nga policia.
Pas arrestimit të tij, në pronësi të tij u gjetën dhe konfiskuan pako letre të improvizuara me një sasi të vogël të heroinës.
