Nicholas Hart, profesori i cili ishte pjesë e ekipit që i shpëtoi jetën kryeministrit britanik, Boris Johnson, ka deklaruar se koronavirusi do të ketë efekte afatgjata tek pacientët.
“Covid-19 është poliomieliti i kësaj gjenerate. Pacientët kanë sëmundje të butë, të moderuar dhe të rëndë. Një numër i madh i pacientëve do të kenë paaftësi fizike, njohëse dhe psikologjike, pasi shërohen nga kjo sëmundje e rëndë që do të kërkojë një menaxhim afatgjatë”, ka thënë ai.
Profesor Hart ka treguar se shumë pacientë do të kenë paaftësi fizike, njohëse dhe psikologjike pasi të jenë shëruar nga Covid-19.
‘Një lutje për ndihmë. Unë kam punuar për 18 orë në ditë, si shumë të tjerë, për të siguruar që ne mund të mbrojmë të gjithë pacientët tanë dhe të gjithë ekipin tonë të mrekullueshëm. Coronavirus është një sëmundje e rëndë dhe unë dua që të gjithë të kujdesen dhe të qëndrojnë të sigurt dhe kjo kërkon që ju të qëndroni brenda”.- tha ai.
Më parë, kryeministri britanik, ka falenderuar publikisht Dr Nick Hart dhe Dr Nick Pirce për ndihmën e madhe që kanë dhënë në shërimin e tij nga koronavirusi dhe si shenjë falenderimi i ka vendosur djalit të tij të porsalindur emrin Nicholas.
