Në media është aluduar ditët e fundit për një paqe midis Ilir Metës dhe Edi Ramës që do të shkojë përtej situatës me pandeminë e koronavirusit. Por në përgjigjen që dha në emisionin “Hard Talk” në Fjala.al për uljen e tensionit me mazhorancën, Meta paralajmëroi se qëndrimet e tij lidhen vetëm me situatën e COVID-19.
“Tani ne duhet të jemi në koherencë me të gjitha zhvillimet dhe me gjithë sfondin e ngjarjeve ku kanë ndodhur edhe qëndrimet apo sjelljet politike që të duken si jo shumë koherente, ndërkohë që koherenca jam i sigurtë është e plotë ashtu sikurse është edhe përgjegjshmëria në adresimin e sfidave më të mëdha. Me vendosjen e situatës së jashtëzakonshme për shkak të kësaj fatkeqësie, siç është kjo pandemi, padyshim që përballimi në një mënyrë sa më mbarëvajtëse dhe bashkëpunuese të kësaj situate ka qenë dhe mbetet detyra kryesore e të gjithëve mendoj unë, jo vetëm e Presidentit, jo vetëm e qeverisë, që padyshim ka dhe më shumë detyra duke përfaqesuar tërësisht ekzekutivin, por edhe e të gjithë opozitës dhë të gjithë grupeve të interesit, gjithë qytetarëve, kështu që sjelljet e mia duhen parë në këtë kontekst, të interesit më të mirë të përbashkët, për të tejkaluar këtë situatë dhe unë gjithmonë kam bërë thirrje që edhe në këtë situatë duhet të ruajmë ligjshmërinë, duhet të respektojmë kushtetutshmërinë sepse Kushetetuta jonë i ka parashikuar edhe këto raste të jashtëzakonshme, të veçanta në mënyrë që të mbrohet shëndeti i qytetarëve, por edhe një balancë me mbrojtjen e lirive pavarësisht se ato mund të kufizohen pikërisht për të mbrojtur shëndetin e tyre”, u shpreh Meta.
–Meta tregon betejën e parë dhe të fundit të një Presidenti
https://youtu.be/oNE7qmXlca0
